Quran pak Hadees LIve

قرطبہ سٹی میڈیکل سینٹر کی جانب سے فری میڈیکل کیمپ کا انعقاد

چکری انٹرچینج کے ساتھ ملحقہ بازار میں قرطبہ سٹی میڈیکل سینٹر کے زیرِ اہتمام ایک فری میڈیکل کیمپ کا کامیاب انعقاد کیا گیا۔ اس کیمپ کا مقصد علاقے کے عوام کو مفت طبی سہولیات فراہم کرنا تھا، جہاں بڑی تعداد میں مرد، خواتین اور بچے مستفید ہوئے۔
میڈیکل کیمپ میں ماہر ڈاکٹرز، پیرا میڈیکل اسٹاف اور معاونین نے خدمات انجام دیں۔ مریضوں کا طبی معائنہ کیا گیا، بنیادی طبی مشورے دیے گئے، اور مفت ادویات فراہم کی گئیں۔ اس موقع پر ڈاکٹرز نے صحت مند طرزِ زندگی، متوازن غذا اور بروقت طبی معائنے کی اہمیت پر بھی روشنی ڈالی۔

محترم چیئرمین مدینۃ العلم جناب لیاقت بلوچ صاحب نے بھی کیمپ کا دورہ کیا اور فراہم کی جانے والی طبی سہولیات کا جائزہ لیا۔ انہوں نے کیمپ میں موجود ڈاکٹرز اور طبی عملے کی کاوشوں کو سراہا اور کہا کہ قرطبہ سٹی نہ صرف ایک مثالی رہائشی منصوبہ ہے بلکہ سماجی فلاح و بہبود میں بھی اپنا بھرپور کردار ادا کر رہا ہے۔
قرطبہ سٹی کی انتظامیہ کے مطابق یہ فری میڈیکل کیمپ کمیونٹی ویلفیئر پروگرام کا ایک حصہ ہے، جس کے تحت عوامی فلاح و بہبود کے منصوبے جاری رہیں گے۔ انتظامیہ کا کہنا تھا کہ مستقبل میں بھی اس طرح کے فلاحی اقدامات کیے جائیں گے تاکہ مقامی آبادی کو معیاری طبی سہولیات میسر آ سکیں۔
یہ میڈیکل کیمپ قرطبہ سٹی کی جانب سے علم و امن کے ساتھ ساتھ صحت مند معاشرے کے قیام کی جانب ایک عملی قدم ہے، جو عوامی خدمت کے جذبے کی عکاسی کرتا ہے۔



Quran Pak hadees